१. संस्थानको मेघा हल बुकिङ गर्दा लाग्ने हल भाडा र धरौटी रकम देहाय बमोजिम हुनेछः
क) बिहान ७:०० बजेदेखि दिउसो १:०० बजे सम्मको सिफ्टको लागि रु. ६०,०००/-
ख) दिउसो २:०० बजेदेखि बेलुकी ८:०० बजे सम्मको सिफ्टको लागि रु. ८०,०००/-
ग) विशेष समय (रोजेको समय) को लागि रु. १,००,०००/-
घ) एक दिन (१२ घण्टा) को सिफ्टको लागि रु. १,२०,०००/-
ङ) एक दिन एक रात (२४ घण्टा) लागि हलभाडा रु. १,५०,०००/-
च) संस्थानको मेघा हल भाडा लिनको लागि धरौटी वापतको लागि रु. ३०,०००/- र
रकम संस्थानले तोकेको बैंक खातामा अग्रिम रुपमा जम्मा गरी त्यसको सक्कल भौचर संस्थानमा बुझाउनु पर्नेछ।
छ) नेपाल सरकारद्वारा वार्षिक क्यालेण्डरमा उल्लेख गरेको सार्वजनिक बिदाका दिनहरूमा अतिरिक्त भाडा वापत
एक सिफ्टको थप १०,०००/- लाग्नेछ । तर विशेष समय र पुरा दिनको लागि भने अतिरिक्त शुल्क लाग्ने छैन ।
ज) तोकिएको समय भन्दा बढी समय प्रयोग गरेमा बिलम्ब समय वापत प्रति घण्टा रु.१०,०००/- का दरले थप भाडा लाग्नेछ ।
झ) अति विशिष्ट पाहुना आउने कार्यक्रमको लागि एक सिफ्ट मात्र लिन नमिल्ने विशेष समय वा पुरा दिन लिनु पर्नेछ।
२. यस संस्थानको अभ्यास कक्ष, क्याटरिङ तथा एलइडी स्क्रिन (Led Screen) भाडा रकम देहाय अनुसार हुनेछः
क) संस्थानका अभ्यास कक्षको भाडा प्रति घण्टा रु. १,०००/- कायम गरिएको छ ।
ख) अभ्यास कक्षको लागि धरौटी रकम बुझाउनु पर्ने छैन ।
ग) क्याटरिङका लागि संथानको कुनैपनि स्थान प्रयोग गर्दा पुरा क्याटरिङका लागि रु.१५,०००/- भाडा कायम गरियको छ ।
घ) यस संस्थानको रहेको एलइडी स्क्रिन (Led screen) प्रयोग गर्दा रु. १५०/- प्रति वर्ग फिट भाडा बुझाउनु पर्ने छ।
