संस्थानको उद्देश्य

१) नेपाल सरकारका राष्ट्रिय तथा अन्तर्राष्ट्रिय स्तरका महत्वपूर्ण कार्यक्रम, सभा, समारोह, पर्व र अन्य विशेष अवसरहरूमा राष्ट्रको पहिचान र अस्तित्वलाई झल्काउने लोक सांस्कृतिक कार्यक्रमहरूको उत्पादन र प्रदर्शन गर्ने।
२) सांस्कृतिक जागरणको माध्यमबाट स्वस्थ मनोरञ्जन प्रदान गर्ने।
३) नेपालको मौलिक लोकसंस्कृतिलाई विश्वभर चिनाउने।
४) देशभरका लोकसंस्कृतिकर्मी र कलाकारलाई सक्रिय बनाउने।
५) नयाँ प्रतिभा पहिचान गरी गायन, वादन, नृत्य, अभिनय लगायतका विभिन्न विधामा प्रशिक्षण दिने।
६) लोकसंस्कृतिको खोज, अनुसन्धान, संरक्षण, प्रवर्द्धन र दस्तावेजीकरण गर्ने।
७) नेपाली लोककला र लोकसंस्कृतिको संरक्षण गर्दै लोक परम्पराको विकास र विस्तार गर्ने।
८) नेपालसँग कूटनीतिक सम्बन्ध भएका मुलुकसँग सांस्कृतिक आदान-प्रदान गर्ने।
९) नेपालका लोकगीत, लोकवाद्य, लोकनृत्य र लोकनाटकको माध्यमबाट बहुजातीय, बहुभाषिक, बहुसांस्कृतिक र बहुधार्मिक राष्ट्र नेपालमा समानता, समावेशिता, धार्मिक सहिष्णुता र भातृत्वको भावना प्रवर्द्धन गर्ने।
१०) संस्कृतिलाई उत्पादनतर्फ जोड दिई सांस्कृतिक पर्यटन र सांस्कृतिक उद्योगको रूपमा विकास गर्दै आर्थिक समृद्धिको मार्ग तय गर्ने।