२०८१ माघ २७ गते चिनियाँ दूतावास र नेपाल पर्यटन बोर्डको आयोजना तथा सांस्कृतिक संस्थानको विशेष सहकार्यमा "संस्कृति आदानप्रदान कार्यक्रम" आयोजना गरिएको थियो। यस कार्यक्रमको उद्देश्य दुई देशका बीच सांस्कृतिक सम्बन्धलाई अझ सुदृढ र मैत्रीपूर्ण बनाउनु थियो।

कार्यक्रममा सांस्कृतिक संस्थानको तर्फबाट राष्ट्रको पहिचान झल्काउने मौलिक सांस्कृतिक प्रस्तुति प्रस्तुत गरिएको थियो। यस अवसरमा नेपाली कला र संस्कृतिको समृद्ध र विविधतापूर्ण पहिचानलाई चिनियाँ समुदायसँग साझा गरिएको थियो।

सांस्कृतिक संस्थानले कला र संस्कृतिको आदानप्रदानमा आफ्ना योगदानलाई निरन्तरता दिने प्रतिबद्धता जनाउँदै, आगामी दिनहरूमा पनि द्विपक्षीय सांस्कृतिक सम्बन्धलाई प्रबर्द्धन गर्ने कार्यमा सक्रिय रहनेछ।

चिनियाँ नयाँ वर्षको उपलक्ष्यमा आयोजित यस सांस्कृतिक उत्सवले दुई राष्ट्रहरूको मित्रता र सांस्कृतिक एकताको प्रतीकका रूपमा कार्य गरिरहेको छ।