'सम्झनामा नारायणगोपाल साङ्गीतिक समर्पण कार्यक्रम २०८१' भव्य रूपमा सम्पन्न

 २०८१ मंसिर १९ गते

सांस्कृतिक संस्थानले पूर्व महाप्रबन्धक तथा स्वरसम्राट स्व. नारायणगोपाल गुरुवाचार्यज्यूको ३४औँ स्मृति दिवसको अवसरमा आयोजना गरेको 'सम्झनामा नारायणगोपाल साङ्गीतिक समर्पण कार्यक्रम २०८१' भव्य रूपमा सम्पन्न भएको छ।कार्यक्रम संस्थानका अध्यक्ष श्री चन्द्र कुमार राई हतुवालीज्यूको सभाध्यक्षतामा सम्पन्न भएको थियो। कार्यक्रममा प्रमुख अतिथि नेपाल प्रज्ञा प्रतिष्ठानका कुलपति तथा संस्थानका पूर्व महाप्रबन्धक माननीय श्री भुपाल राईज्यू र विशिष्ट अतिथि नेपाल ललितकला प्रज्ञा प्रतिष्ठानका कुलपति माननीय श्री नारदमणि हार्तम्छालीज्यू रहनुभएको थियो। साथै, कार्यक्रममा पशुपति क्षेत्र विकास कोषका कार्यकारी निर्देशक श्री सुभासचन्द्र जोशीज्यू, नेपाल सरकारका सचिव, सहसचिव, उपसचिवज्यूहरू तथा विभिन्न संघसंस्थाका प्रमुखज्यूहरूको विशेष उपस्थिति थियो।स्वरसम्राट नारायणगोपाल:

एक कालजयी व्यक्तित्व
स्व. नारायणगोपाल गुरुवाचार्य नेपाली संगीतका अमर नायक तथा स्वरसम्राट हुन्। उहाँको जन्म वि.सं. १९९६ साल असोज १८ गते काठमाडौँको किलागलमा भएको थियो। बाल्यकालदेखि नै संगीतमा रुचि राख्दै उनले भारतको रवीन्द्र भारती विश्वविद्यालयबाट संगीतमा उच्च शिक्षा प्राप्त गरे।उहाँले एउटा स्तरीयकरण एउटा मानव सङ्गीत मात्र १३७ गीत गाउनुभयो ।  जसमा "ए कान्छा ठट्टैमा यो बैंश जान लाग्यो", "मेरै मनमा समाइ राख", "यो सम्हालेर राख", र "तिमीलाई देखेर" जस्ता गीतहरूले नेपाली संगीतप्रेमीहरूका मनमा विशेष स्थान बनाएका छन्।

 कार्यक्रमका मुख्य आकर्षण
कार्यक्रममा नारायणगोपालको कालजयी गीतहरूका विशेष साङ्गीतिक प्रस्तुति राखिएका थिए। यसमा संस्थानका कलाकारहरूले उहाँका लोकप्रिय गीतहरूको भावनात्मक प्रस्तुति दिएर सहभागीहरूको मन जितेका थिए। कार्यक्रमले नारायणगोपालको जीवन, योगदान, र उनको संगीतको गहिरो प्रभावबारे स्मरण गर्दै उहाँको योगदानलाई भावी पुस्तासम्म पुर्‍याउन विशेष पहल गरेको छ।

स्व. नारायणगोपालप्रति हार्दिक श्रद्धाञ्जली!

नारायणगोपालको योगदानको स्मरण
कार्यक्रममा बोल्दै अतिथिहरूले नारायणगोपाललाई नेपाली संगीतका आधारशिला, राष्ट्रिय गहना, र सांस्कृतिक धरोहरको रूपमा वर्णन गरे। उहाँले नेपाली संगीतलाई अन्तर्राष्ट्रिय स्तरमा पुर्‍याउने मार्ग प्रशस्त गर्दै नयाँ पुस्तालाई संगीतमा योगदान दिन प्रेरित गर्नुभएको कुरा वक्ताहरूले विशेष रूपमा उल्लेख गरे।स्वरसम्राट नारायणगोपाल गुरुवाचार्यज्यूको योगदान सधैं स्मरणीय रहन्छ। कार्यक्रमले उहाँको स्मृतिलाई सम्मान गर्दै उहाँप्रति उच्च श्रद्धाञ्जली व्यक्त गरेको छ। यस किसिमका सांस्कृतिक कार्यक्रमहरूले नेपाली कला र संस्कृति संरक्षणमा महत्त्वपूर्ण भूमिका खेल्ने विश्वास व्यक्त गरिएको छ।