संविधान दिवस (राष्ट्रिय दिवस) को शुभकामना
जनताको ठूलो त्याग र बलिदानले प्राप्त संविधान जारी भएको दिनको सम्झनामा हरेक वर्ष असोज ३ गतेलाई संविधान दिवस तथा राष्ट्रिय दिवसका रूपमा मनाइन्छ। संघीय लोकतान्त्रिक गणतन्त्र नेपालको मूल मर्म अनुरूप बहुजातीय, बहुभाषिक, बहुधार्मिक, बहुसांस्कृतिक तथा भौगोलिक विविधतायुक्त सारा नेपालीलाई राष्ट्रिय एकताको सूत्रमा बाँध्ने प्रमुख माध्यम संविधान हो।
देशको मूल कानून संविधानले सारा नेपालीलाई जन्मदेखि मृत्यु पर्यन्तका हरेक क्रियाकलापलाई सभ्य ढंगले सम्पन्न गर्ने संस्कृति प्रदान गर्दछ । भ्रष्ट संस्कृतिलाई निर्मूलन गरी दिगो शान्ति, आत्मनिर्भरता, प्रविधिमैत्री युवा रोजगार, सामाजिक न्याय र समृद्धिको कामना गर्दै यस दिवसलाई मनाउने प्रणालीको विकास गर्नु अत्यावश्यक छ।
सार्वभौम सत्ता सम्पन्न नेपाली जनताले संविधान मार्फत प्राप्त गरेका अधिकारको रक्षा गर्दै संविधान संशोधन सहित सुदृढीकरण गर्नु अपरिहार्य छ। संविधान नरहे राष्ट्र रहन्न, राष्ट्र नै नरहे हामी रहन्नौं । तसर्थ संविधानको रक्षाका लागि नेपाल सरकारको संस्कृति सम्बन्धी ज्येष्ठ निकाय सांस्कृतिक संस्थान सदा प्रतिबद्ध छ । यस दिवसले हरेक नेपालीहरू बीच आपसी सद्भाव तथा राष्ट्रिय एकताको भावना अभिवृद्धि गर्न सकोस् भन्ने शुभेच्छा सहित संविधान दिवस तथा राष्ट्रिय दिवस २०८२ को शुभकामना व्यक्त गर्दछु ।
३ असोज २०८२
ने.सं.११४५ ञंलागा त्रयोदशी
किरण बाबु पुन
महाप्रबन्धक
