दिगो पर्यटन परियोजनाका लागि सांस्कृतिक संस्थानको समूह मनास्लु प्रस्थान

दिगो पर्यटन परियोजनाका लागि सांस्कृतिक संस्थानको समूह मनास्लु प्रस्थान


 

दिगो पर्यटन परियोजनाका लागि सांस्कृतिक संस्थानको समूह मनास्लु प्रस्थान


२९ कार्तिक २०८३ काठमाडौँ ।
नेपाल पर्यटन बोर्ड र संयुक्त राष्ट्र संघीय विकास कार्यक्रम (UNDP) को सहकार्यमा सञ्चालित दिगो पर्यटन परियोजना [Sustainable Tourism Project - STP] का लागि सांस्कृतिक प्रदर्शन प्याकेज विकास सम्बन्धी कार्यसम्पादन गर्न सांस्कृतिक संस्थानका कलाकारहरू संवत् २०८३ साल कार्तिक २७ गते मनास्लु प्रस्थान गर्नुभएको छ । सहभागी हुनुहुने कलाकारहरूलाई जिम्मेवारी प्रदान गर्नुहुँदै संस्थानका महाप्रबन्धक श्री किरण बाबु पुनज्यूले शुभयात्राको कामना सहित प्रभावकारी कार्यसम्पादनको लागि निर्देशन दिनुभएको छ । 

905724152_3640757716091094_5438843420217085108_n.jpg

दिगो पर्यटन परियोजना [Sustainable Tourism Project - STP] का लागि सांस्कृतिक प्रदर्शन प्याकेज विकास गर्न संस्थान साझेदार संस्था (Implementation Partner) को रूपमा रहनेगरी संवत् २०८३ साल साउन १३ गते सम्झौता गरिएको थियो । समझदारी पत्रमा दिगो पर्यटन परियोजनाको तर्फबाट राष्ट्रिय परियोजना निर्देशक श्री हिकमत सिंह ऐर ज्यू, संयोजक श्री खड्ग विक्रम शाह ज्यू र प्रबन्धक श्री धर्मराज दवाडी ज्यू तथा संस्थानको तर्फबाट महाप्रबन्धक श्री किरण बाबु पुनज्यूले हस्ताक्षर गर्नुभएको थियो । 

906370292_3642086075958258_3509056378508000579_n.jpg

मनास्लुका लागि संस्थानका कलाकार श्री रोहित सुवेदीज्यूको नेतृत्वमा कलाकारहरू श्री नरेश प्रजापति ज्यू र श्री विपिन घिमिरे ज्यू सम्मिलित ३ सदस्यीय समूह प्रस्थान गरेको हो । यसअघि सम्झौता बमोजिम लुम्बिनी र जनकपुरको कार्यक्रम सम्पन्न गरिएको छ भने आगामी दिनमा अन्य २ ठाउँमा कार्यक्रम सञ्चालन गरिनेछ । कार्यक्रमको सहजीकरण संस्थानका कलाकार तथा आयोजना सम्पर्क/गुनासो समाधान संयोजक श्री रोहित सुवेदीज्यूले गर्नु हुनेछ ।

910054289_3640756706091195_4365438286620735844_n.jpg

cover.jpg

© 2026 All right reserved to sanskritiksansthan.gov.np  | Site By : Sobij